Kredittvirðið hjá Føroyum veksur

Rating fyritøkan Moody’s vitjaði í Føroyum í juni og fríggjakvøldið gjørdi Moody’s greitt, at tey hækka føroysku ratingina frá Aa3 við støðugum útlitum upp í Aa2 við støðugum útlitum.

Føroyar hevur við hesum triðhægstu meting á ratingstiganum hjá Moody's, sum hevur 23 stig.

Dømi um onnur lond við rating Aa2 eru Frakland og Bretland.

Høvuðsorsøkin til betraða kredittvirðið er, at fíggjarligi váðin í sambandi við Eysturoyartunnilin er næstan burtur. Seinasta skotið var latið av í juni, og tá var sonevndi bygningsváðin hjá landinum burtur.

Harafturat eru fíggjarlig og búskaparlig lyklatøl fyri Føroyar betri enn frammanundan væntað.

Les alt tíðindaskrivið frá Moody’s her. 

Les lánsførismetingina frá Moody's her. 

Borað var gjøgnum Eysturoyartunnilin í juni. Mynd: estunlar.fo